Giugs sur Pastgas

La fin d'jamna da Pastgas han liug a Trun dus giugs da campiunadi. Omisdus giugs han liug gliendisdis, ils 21 d'avrel. Las 13:00 giogan nos juniors A encunter Haag e gest suenter, las 15:00 gioga l'emprema equipa dil CB Trun/Rabius encunter Panaduz il giug da campiunadi da 4. ligia.

La secunda equipa entscheiva era questa fin d'jamna la runda da retuorn. L'equipa gioga la sonda, ils 19 d'avrel las 19:00 a Vaz Sut il giug da campiunadi da 5. ligia.

 

Entschatta gartegiada

L'emprema equipa dil CB Trun/Rabius ha entschiet la davosa fin d'jamna cul campiunadi 2014. Gl'emprem giug gudogna il CB a Val cun 2-1.

rapport da giug

 

Turnier da bigliard 2014

Il turnier da bigliard 2014 ha entschiet. Il program da turnier e la gliesta da rangaziun provisorica anfleis sut la rubrica 'Turnier da bigliard'

 

Historia dil CB Trun/Rabius

Sut la rubrica "Historia" anfleis Vus danovamein ina resumaziun dalla historia dil CB Trun/Rabius naven da sia fundaziun entochen il di dad oz. Forsa ch'enqualin seregorda aunc d'in ni l'auter eveniment ni mument special... Ei vala denton en scadin cass la peina da dar in sguard lien. 

 

Sesiun da primavera 2014

Las equipas dil CB Trun/Rabius han entschiet gia dapi entginas jamnas cun lur preparaziun per la sesiun da primavera. Ils giugadurs ein motivai e las finamiras aultas. 

4. ligia: L'emprema equipa entscheiva la runda da retuorn dumengia, ils 13 d'avrel, cul giug ordeifer encunter Val S. Pieder. Il plan da giug dall'emprema equipa anfleis vus cheu

5. ligia: Per la secunda equipa va il campiunadi liber ina jamna pli tard. Ella dat siu emprem giug sonda sera, ils 19 d'avrel, ordeifer encunter Vaz sut. Il plan da giug dalla secunda equipa anfleis vus cheu

 

Sesiun d'atun 2013

L'emprema equipa dil CB Trun/Rabius siara giu la sesiun d'atun sin rang 1. L'equipa da Renzo Albin e Roland Decurtins meina la tabella en gruppa 2 da 4. ligia cun 1 punct avantatg sin igl FC Flums. La runda da retuorn entscheiva ils 13 d'avrel 2014.

 

 

La secunda equipa ranghescha suenter la sesiun d'atun sin plaz 6. L'equipa da Mario Solèr e Pascal Albin resta denton en gruppa 1 da 5. ligia mo 5 puncs anavos a Rueun sin rang 1.

 

 

© 2013 by cb-trun-rabius.ch