proxims giugs digl atun 2022

3. ligia:  02-10-2022, 15:00 a Trun CB Trun/Rabius 1 Grp. - FC Domat 2
  4. ligia: 02-10-2022, 16:00 a Vella CB Lumnezia 1 US Danis-Tavanasa 2 Grp.
5. ligia: 01-10-2022, 17:00 a Trun CB Trun/Rabius 3a Grp. - FC Domat 3

adina il medem a puschlav

Entginas ed entgins da vus, preziadas lecturas e preziai lecturs, vegnan ad enconuscher il film «Und täglich grüsst das Murmeltier» cun Bill Murray nua ch’igl actur fa adina puspei atras il medem di. Fetg semegliont san ins resumar las partidas dil CB Trun/Rabius a Puschlav nua che la historia serepeta buc gest mintga di, denton mintg’onn. Onn per onn ei l’equipa dalla Cadi datier d’engular puncts ord la Val Puschlav, e tuttina gartegia ei alla fin buc. Buc auter eis ei era quella ga stau.

L’entschatta sto il CBTR sendisar empau vid il niev plaz pign artificial a Puschlav. Quei nezegia l’equipa da casa gest e va spert en avantatg entras Mattia Merlo. Suenter 10 minutas vegn la partida denton pli e pli uliva ed ei seresulta il tipic giug denter quellas duas squadras nua ch’ei vegn cumbattiu per mintga bal. Ella secunda mesadad sepresenta il CBTR aunc inaga pli ferms. Ei gartegia als hosps da controllar meglier il bal ellas atgnas retschas ed aschia procurar per entgina malruasseivladad tier l’equipa da casa. Tier claras schanzas vegn Trun/Rabius denton buc, tuttina freda ei suenter igl 1:1. Mo otg minutas avon la fin vegn ei auter, Oscar Cortesi nezegia ina malprecauziun e sieta il bal sut la traversa tier ils 2:0 per Puschlav. In tipic gol ord il nuot sco quei che Puschlav fa adina puspei a casa, era cheu serepeta la historia onn per onn. A Trun/Rabius gartegia ei malgrad tut il cumbat buc pli da volver il giug ed aschia restan ils puncts ina ulteriura ga el sid dil cantun. 

Continue Reading

bènaltè! 2022

Ina nova sesiun da ballapei stat avon porta – e sco usitau ils davos onns astga era il «bènaltè!» buca muncar en quei connex. Suenter ina perioda signada dil virus da corona essan nus sefatschentai da rudien cul plascher che quei bellezia sport porta a nus. 

Denter auter havein nus dedicau entginas paginas all'infrastructura dil CB – ed agl idealissem che regeva e che regia aunc adina en caussa. Quels capetels muossan ch'ins astga era haver siemis ed illusiuns el senn da «Dream Big!». 

Plinavon vegnan era persunas arrivadas da nies club purtretadas. Tgisà, forsa vegnis vus gie sissu enzatgei che vus savevas aunc buc da quels tals? 

Era las monduras cotschnas han in plaz special en nossa siatavla ediziun, gest sco ils camps da trenament dallas differentas equipas. À propos equipas: L'equipa dalla giuvnas vegn uonn presentada vastamein. 

En quei senn giavischein nus a vus tuts bien divertiment culla lectura e selegrein sch'igl ei reussiu da svegliar vies interess cun in ni l'auter tema. Ina buna sesiun e sin che quella porti alla glisch novas historias che valan la peina da vegnir screttas el «bènaltè!». ;-)

Il «bènaltè!» 2022 en fuorma da PDF saveis vus telecargar cheu

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch